من قصائد الامير عبيد بن علي الرشيد أمير حائل قديما"
القصيده سمعتها أمس في برنامج
لقناة قوافي وأعجبتني وحبيت أشاركم فيها,,,,
****
القلب من كثر الهواجيس قزان **** ما يستريح من الدهر ربع ساعـه
يا غافر الزلات ياوالي الاحسان ****تجعل من التقوى لنفسي بضاعـه
أنا على لان و ربعي على لان **** متخالف رايي و راي الجماعــه
مانيب شاري غير بت من الضان **** يقنع باشراك البهم في ارضاعه
أنا ولــد علي سلايل كحيلان **** وربـي خلقني للسبايا وداعـــه
الناس ماتسقيك لاصرت عطشان **** ولايشرب المظمي سوى من ذراعه
اضرب على الكايد لاصرت بحلان **** وعند الولي وصل الرشا وإنقطاعه
عيب على اللي يتقي عقب ما بان **** وعيب طمان النفس عقب إرتفاعه
اما تجي بعقود حص و مرجان **** ولا فهي ل إبليس طار بشعاعــه
وإطرابة الدنيا مع الفجر دخان **** واكرارة باطراف خطو الصعاعــه
****
أتمنى تعجبكم والشباب يستفيدون من المعاني إللي موجوده فيها
والله معانيها قويه وجزله..
