اخوي العزيز المناشي السلام عليكم ورحمة الله وبركاته
اما عن ماذكرت من القصه فهي قصه وقعت بين اعنزه وشمر يالحبيب بسبب فتاة من اعنزه واسمها حصه واستنجدة بشيوخ اعنزه
وعلى رأسهم الدريعي ابن شعلان واجتمعت قبائل اعنزه وحصلت معركه طاحنه بين الفريقين وانتهت بنصر اعنزه وهذه القصه
قديمه ومعروفه من اكثر القبائل العربيه وهي لاتنقص من قدر احد لاشمر ولا عنزه ولاغيرهم ولاكن لوضع النقط على الحروف
ومعروفه بمعركة حصه .الى يومنا هذا ( لعيون حصه ماتمصه)
ثانيا ان اعنزه لم تجلي من احد ياعزيزي وانما نحرت الشمال بعد ان اجدبت ارضهم وحل الحروب محلهم وقبيلة امطير
وارسل الشيخ ماجد ابن اعريعر شيخ بني خالد قصيده لمشعان ابن هذال يخبره بمن حل بأرضه نضرا للصداقه اللتي تجمعهم
وأتى ابن هذال ومعه جموع اعنزه وطرد من كان حل بأرضهم وهي لاتعيب احد ولكن من دق الباب يلقى جواب
ورد ابن مشعان وتوصيفه لما جرى بالقصيده المسماله بالشيخه وهي تخبر بما جرى في ذالك الوقت والقصيده هي .
يالله يـم ديـر الهبـايـب والادوار
شانك عسى تصريف شانك لنا خيـر
يالله ياعالـم خفـيـات الاســرار
يامعتنـي بالخلـق وآلـي المقاديـر
قلته ونوم العين عـن جفنهـا طـار
والقلب كنه فـوق حامـي المجاميـر
هلّت دموع العين من شوفت الـدار
سكانهـا الاجنـاب هـم والبقاقـيـر
من عقب ماحنا بها مثـل الاسـوار
نامر وننهى ونحمي الجـار ونجيـر
حامينها في لابـةٍ تسقـي الامـرار
عدوهـم مايحتـسـب بالمخاسـيـر
ومن عقب ماكنا بنجـدٍ كمـا النـار
نقطع بها شـرٍ وناصـل بهـا خيـر
وحنا الذي ترجع لنا كـل الاشـوار
لاصار بالقـولات شـوّار وامشيـر
لابـد مانـاتـي لأبـانـات زوّار
بأسلاف عجـلاتٍ تعـدّا المضاهيـر
يهومن هومـاتٍ بعيـداتٍ وعسـار
وكم ذيّرن مـن واحـدٍ مابعـد ذيـر
وكم فاجانا العدوان غرات وجهـار
إلا انتون كـم يسبـقٍ مـن معاييـر
ضعاين حطن لنـا ملـكٍ بسنجـار
وبنن على الخابـور زيـن الدواويـر
وتواهلن الزور حصلن لهـن كـار
مـن البطينـي للرهـا لـه معابيـر
نامر وننهـى مانـدور بهـا ادوار
ونهـدي العاصـي بيسـرٍ وتيسيـر
وكتمن مع الحاوي وداجن بالامصار
وجابـن خفارتهـن بفكـرٍ وتدبيـر
وحطن على السلمان طيحات الامطار
وصار لهن لينه وخضـرا مصاديـر
ومالن على رجم الهيـازع وسنّـار
وجابن حلال محمره من ورى النيـر
وحطن على الشنبل وداسن الاخطار
وخـذن خضـراتٍ بسيـفٍ وتدبيـر
ثم انتحن مـن كفّـة الشـط عبّـار
وهاجن وماجن فوق روس العناقيـر
وقضّن وكالن من شثاثـا بالاسعـار
وحطـن لملـوم المسمـى مصاديـر
بقطعان يطون الخطايـط والاقفـار
ويطيرن جـول الحبـاري المخاميـر
وخلن فوق البشوك عج الرمك طار
وإحرو هاك اليـوم خـز المعاشيـر
وحطن على ورد الدجاني لهب نـار
وغدو بها الويـلان مثـل المداويـر
و(أباذراع) أضحى مقيمٍ على الـدار
وقطعـن حـلال محمـره المساميـر
وشدّن وحطّـن الثمامـي بالايسـار
وخلن على (........ ) مثل المعاصير
وسارن بنا الزرفات بإقبال وإدبـار
من غوطة الفيحا إلـى غشلـة الديـر
نروم من زيـن المنـازل ونختـار
ونستـرد الخـوّه بحـدب البواتيـر
ليامن نخونا اللي على نجد حضّـار
وجانا كتابٍ مـن زبـون المقاصيـر
من (ماجد بن عريعر) حر الاوكـار
يقـول وُخـذت داركـم يالمناعيـر
الشيخ اللي حيف على البيض بالغار
يقول حل بداركم (حرب) و (مطيـر)
وجيناه مثل السيل طمّـام الاوعـار
لياما غدت عنـه البـوادي شعاثيـر
أولاد عـم ولا بنـا قـول شبشـار
وشيـخٍ لنـا عنـده جـلالٍ وتقديـر
ورفاقةٍ واللـي حذاهـم لنـا جـار
وحنا عليهم نحمـي الجـار ونجيـر
وحنا شبات الحرب وان شبّت النـار
وتوايقـت بيـن الحنايـا الغنـاديـر
وحنّا هل الجمع المسمـى إلياسـار
مركاضنا يشبع بـه الذيـب والطيـر
وحنّا بني وايـل بعيديـن الاخبـار
إليـا تناخـوا بالجمـوع المشاهيـر
وين انت ياللي تايهٍ منك الابصـار
جيناك حوله مـن شثاثـا وابالجيـر
وصحنا عليهم صيحةٍ تجلي الامرار
حتى جبرناهـم عـن الـدار تجبيـر
باغيٍ عليهم صايرٍ مثـل ماصـار
ذبـح الشفايـا واغتنـام الخـواويـر
هج (.........) ومالقينـاه بالـدار
زبن على الحـرّه وذيـك الشناخيـر
كسيـرةٍ ماقـط ذكـرت بالاذكـار
بها القلايـع مثـل روس الخنازيـر
لولا شفاتي فيـك يانجـد مااحتـار
فكـري ولاكثـرت علـي التفاكيـر
ولولا شفاتي فيـك ماجيـت مـرّار
نـداري ديـرة الهواجيـس وإنذيـر
وإندير حرياتٍ بالأريـا وتبصـار
وأرجي من الباري عساهـا مغاتيـر
نجـدٍ جفتنـا وكـل دارٍ لـنـا دار
ماهي معافه ميـر جـوع ومداهيـر
ياما ركبنا بالسـرا قـب الامهـار
وعيـرات الامـه كنهـن السنانيـر
مابيـن مسنـادٍ ومابيـن مـحـدار
ياما قطعنـا بدربنـا مـن مشاويـر
نعتاض عن دارٍ عليها الدهر جـار
ديد العسـل فيهـا تعيـش المفاقيـر
قطعاننـا ترعـى زماليـج نـوّار
وياما غـدا فـوق الاباهـر قناطيـر
مثل المسوح اللي ترزّم على حـوار
دارٍ مريـه بالشتـا تسمـن الضيـر
دارٍ بها بالقيـض غـدران وانهـار
والتمّن المجـروش ملـي الجواخيـر
وصلاة ربي عد ما بالسمـا طـار
وعداد ماوردن ضمايـا علـى البيـر
على الرسول المصطفى سيد الابرار
نور العباد اللي دعـا النـاس للخيـر
اخي العزيز في ذكر هذه المواضيع يجب التجنب لما يثير النعرات البائده وهذه القصص لاتعيب احد ولاتنقص من قدره ولكنها قصص
لأوناس اجبرتهم حياتهم القاسيه على فعل ذالك واذا تطرقت لها فأننا ننا شدك الحقيقه لا التزوير ياعزيزي .
ارجوا ان تقبل ملاحضتي وردي بصدر رحب فجميعنا أخوه وجميع القبائل عزيزه وكان الأجدر ان نبحث عن ماهو مفيد
من اعمال اجدادنا السابقه لا ماهو متخالفين عليه . واعلم ان الاءختلاف بالرأي لايفسد للود قضيه.
وتقبل تحياتي
اخوك نواف العنزي
منقول
