...{ سيــــــرة بطــــل }... نسخة معدلة

حب الوطن ماهو بالاوقات محدود *** حباً من الاجداد ورثاً للحـــفاد

ويوم الوطن يوماً تحقق بمجهود *** وثق بطولاتاً وسطر لنا امجــــاد

مولد وطن له رمز وشعار وحدود *** واعلن لنا بين الملا مجد وبــــلاد

عبد العزيز الفيصلي سخر الكود *** وصار الصعيب بحكمته طوع منقاد

وحد وطن من بعد ماكن مقود *** واعاد مجداً صعب من غيرة ايعـــاد

المعجزه بدابها ابضعة اجنود *** واعاد مجداً ضاع من ورث الاجـــداد

سيرة بطل وقف لها العالم شهود *** اسس مباديها وحدد لها ابعــاد

شيد لنا صرحاًمن العز كالطود *** المملكه بالخير كلاً بها شـــاد

تحكم بشر الله بها البيت موجود *** كل الخلايق فيه ركع وسجــاد

عن كل مسلم ماوضع دونه قيود *** من كل جنس ولون للبيــت رواد

وتوارثو حكمه صناديد وفهود *** وكلٍ بحكمه للبناء شيــــد وزاد

واصبح لنا منهل من العلم مورود *** منابرٍ كلاً له اليوم يرتـــــاد

لكل المعارفعندنا تاتي اوفود *** اوفوداً تجيب افكار ووافود تزتــــــاد

منتوجنا يعرف بالاسواق موجود *** بنت حضارتنا بمفاهيمٍ اجــداد

ومروج خضراء فوقها تغرد النود *** تغني مناظرها عن الشرب والـــزاد

بنيت مشاريعاًواقامت بها اسدود *** حتى اصبحت عبله بعين ابن شداد

خطط طويله فندت عدة بنود *** تصدر وتستورد من العلم مافـــاد

برجال شجعاناً لهم بالوفاء عهود *** ساده وسادو والرضا بينهم ســـاد

وعقب الفقر صارت لنا سهود ومهود *** ورفرف علمنا فوق هامات الاشهـاد

بقيادة الي منهجه منهج العود *** ايبس كبود اعداه وارواء ضماء اكبـــاد

بتاج الكرامه والوفاء صار موعود *** شخصه اموثق له مع العز ميعـــاد

عش ياوطن والبس حريراً وماهود *** وانثر على الاكام عطرك والاجــراد

عزك بدينك والامل فيك معقود *** لاتلتفت لهل المفاسد والاحقـــاد

قال المثل راع النعم دوم محسود *** ظهر لنا من اصحابنا ناسٍ احســاد

الله يجعل بيضهم تنقلب سود *** ويحطهم مابين رامي وجـــلاد

تمت وصل الله على سيد الجود *** الهادي المرسول ضداً للالحـــاد

هذه نسخه معدله لقصيدة الشــآعـر الشيــخ سعود بن نــآقي الايــداء

صح لسانك ولسان الشاعر الشيخ سعود بن ناقي الايدا