عز الله اني حزين وخاطري مكسور
لو تظاهر بالسعاده يابحر جده
بيت لبن قضعان مع شفت النور
حرك سكون الشاعر وجاك رده
جو الفرح عن خاطري صار مدحور
وخيم علي الحزن والبيت هده
حكم القدر جور تقفاه لي جور
حطم طموحي خيب الله سده
ماطعت ياضيدان من يصدق الشور
وتبعت درب ابليس يالعن جده
من الوقت شفت بين حيطان في سور
محكوم خمس اسنين واليوم اعده
من اول أمشي رافع الراس مستور
في وسط نجد ماتعديت حده
أحسب خطاء رجلي عن الف والدور
ولا أقول شي غير أنا أكون قده
اسمع بصيتك من صدى صوت جمهور
انك جذبت أمولك من علم شده
تكفى يبن قضعان ياولد منصور
نقح قصيدي لبو متعب وعده
ودخل عليه إبيوت شعري على الفور
وأنا دخيلك عن مشاغلك بده
سطرتلك مجمل معاناه بسطور
ودي أشوف ابوي وأحب يده
وأنا يابن قضعان بغير الدور
أحب القصايد بس ماحب جده
((( شعر// فــهد بن ابـراهيــم العـــنزي ))))