بسم الله الرحمن الرحيم
الشاعر سعود بن عبد اللطيف الطلوحي
يرثي ابن عمه مشاري بن عطالله بن بخيت الطلوحي الذي قُتل في محافظة الخرج يوم الاربعاء الموافق 23/1/1432 هـ
ولم يعرف قاتله الى الآن,,,, رحمه الله واسكنه فسيح جناته
يـالله يـالمـعـبود مـنـشي الغـيومي=يلي خلقت الخـلـق من سفت اتراب
انت الودود انت الغفور الرحومي = الحـكم حكمك غـصب لومالنا طاب
الـبارحـه باللـيـل مـاطـاب نـومي =كـني قـريصا ً يشتـكي لدغت الداب
من الزعل والغيض كبدي تزومي = ومالي جدى الاصكت الناب بالناب
حيث العـدو يـاناس غير معلومي = وهذا هو اللي شوش العقل وارتاب
يـابـو بـدر خلك صـبور عزومي=حـل الاجل وتـقدمـت كـل الاسـباب
الله يـجيـرك مـن جـميع الثـلومي=وعسى مشاري بجنت الخلد ماخاب
جعـله شـهيـد و قـاتـله بالسمـومي = وسـط الجحـيم وساكـنـن له بسرداب
بجاه الكريم اللي مناجله نصومي = اللي رفع سـبـع السـما مالها أطـناب
أحسن خبر ساعة يقال محكومي = وسط السجن يخاف من فتحت الباب
يالله خـبر يـفـرح جميع العمومي = نفرح ويفرح كل ربعه و الأصحاب
هــذا منايه وابـتـهـل كــل يــومي=ما خـاب عـبـداً يطلب الرب ماخاب
وحنا عوضنا إخوانه اللي قرومي = مـافـيـهـم اللي هـابي الخال وانساب
منقول
