ذبحني ضمئ شعري وحره وانا باالظل
ضللت لاكن لوعة العشق حراقه
علا صاحبن لامر طيفه علي اختل
يسوي مشاكل بين قلبي ومعلاقه
وعلا صاحبن لاشفت زوله عليه طل
امظي ثلاث اشهور ماني علي فاقه
طلب مهرها مليون ولافيه عندي حل
ناغير أهرب خمرحتى أجمع اسياقه
ابوجذلتن شقرا وشعره طويل وهل
شقاره يبي يجهرك في شمس شراقه
ليا زارني باالحلم قلبي فرشله زل
وعليه الورود الفين باقه ورى باقه
الا ياشروق الوايلي مابقالي خل
وياشمس حبي قرب الحب واشواقه
أحبه وقلبي من فراق العزيزه مل
مثل ماتمل ام الولد حزة افراقه
طواها الظمأ والجوع بعده وجاها الذل
وحيدن لها من فرقته مالها طاقه
انااغليه كني صرت اباالروس عند البل
ابا الروس هزاع اعنزه يغلي انياقه
الا ياصديق الجمس ياجيت عبه فل
على شان يهدئ بال من كان سواقه
وعلى البنشري غيرزيوته بسوبر شل
على شان يصبر ياضغط صاحبه ساقه
قبل لاتحرك ياخويي توضئ وصل
طوتك الليالي طويت البيت وأرواقه
طووه البدو قبل أربع اسنين لايبتل
وعن العثه الي تاكل البيت وشقاقه
انالي ثمان اشهور كني مريض السل
تصافق ضلوعي كنها طبل طقاقه
ابن عكرش
