يابدر لو شفتها بنـت الحسـب والنسـب =ماكـان عينـك لذيـذ النـوم يحلالـهـا
غزالة نصفهـا راحـة ونصـف تعـب =مايشتكي مـن نحرهـا غيـر سلسالهـا
أن اقبلت تستميل يميـل معهـا القصـب =وأن دبـرت مهـرة فـي كـف خيالهـا
فيها جموح الكحيله وأعتـراض السكـب =وان أستـذارت تفـز وتسبـق أضلالهـا
لا...سولفت للسحاب يغار منهـا العنـب =وان أسكتت فيـه حاجـه شاغلـه بالهـا
فيها شويـة دلـع علـى شويـة عتـب =تزعل ليا مرت الغيمـه طـرف شالهـا
وفيها من الملح مايكفـي بنـات العـرب =مزيونـة يكـسـي المتنـيـن شلالـهـا
أحبهـا كثـر ماحـب البخيـل الذهـب =وغار حتـى عليهـا مـن ولـد خالهـا
الله يعين الجفـون أن سلهمـت باالهـدب =مدري تشيل الهـدب ولا الهـدب شالهـا
ياباشة الغيـد فـزي وشعلينـي لهـب =خلينـي أعيـش فـي نـارك وغربالهـا
هزي جذوع المحانـي وتساقـط رطـب =وأسقيـك دلـة غـرام جـاك فنجالهـا
ياللي كلامك حنيـن وذكريـات وطـرب =الشمس لاشافتـك تبكـي علـى حالهـا
ياول دروب المواجع والجفاء والغضـب =وأخر ركايـب غـرام حطـت أرحالهـا
تعال تكفى أسقني نهر المشاعـر نضـب =والا فعلّـم جروحـي تفـقـد أمالـهـا
لا تستحي ماأنت أول مـن بحبـه كـذب =ولا أنـت أخـر بشـر لـروح يغتالهـا
ولولا أن غيري تعذب في الهوى وأغترب =ما كان بيـض النوايـا جـاك مرسالهـا
